ටිකිරි හපන්නු !!

                                                           ලෝකයේ උසම ස්වභාවික කළුගල් පර්වතයක් ලෙස සැලකෙන ඵෛතිහාසික බතලේගල පර්වතය ප්‍රථම වරට තරණය කිරීමට කෑගල්ල ප්‍රදේශයේ නිර්භීත තරුණ තරුණියන් කිහිප දෙනෙකු පසුගියදා සමත් උනා .පුරාවිද්‍යා දෙපාර්තමේන්තුවේ මාර්ගෝපදේශකතත්වයත් ,ලෝක බැංකුවවේ මුල්‍යමය දායකත්වයත් මේ සඳහා ලැබුන බව කිව යුතුමයි .අනෝරා වැහි අතරේ ,කටු පඳුරු සහ ලඳු කැලෑ  උඩින් ,අති විශාල මඩ වගුරු තරණය කරමින්,අති බිහිසුණු මිනී කන වන මෘගයන්ගේ තර්ජන ගර්ජන අතරින් සාර්ථකව නිමාකළ මේ සංචාරය ඇත්තටම විශ්මයජනකයි.පහතින් දැක්වෙන්නේ අප විසින් විජයග්‍රහණයේ ධජය බතලේගල පර්වත මස්තකයෙහි ස්ථාපනය කල ඒ ඵෛතිහාසික අවස්ථාවයි ..!

විශේෂයෙන්ම මේ ප්‍රදේශයට ආවේනික ඇනකොන්ඩා විශේෂයකගෙන්(වි .න .Bathalegalaz Anacondaz) අපිට එල්ල වූ තර්ජන නිමක් නෑ .අප කණ්ඩායමේ සාමාජිකයින් දෙදෙනෙක් ඔවුන් හා සටන් කිරීමට ගොස් සුළු තුවාල ලැබුවා.මේ දැක්වෙන්නේ ඉතාම අසීරුවෙන් ලබාගත් එම සත්වයෙකුගේ සේයාරුවක් .
                                           කෙසේ හෝ සර්පයන්ගෙන් මිදී පර්වතයට යන අතරතුර තවත් තර්ජනයක් එල්ල උනා.ඒ දැනට වඳ වී ගියා යැයි සැලකු 'Hulu Huluzz'නැමති ගෝත්‍රික ජන කොටසින්.මුලින්ම අප දුටු විට ඔවුන් සාමකාමී ස්වරුපයක් දැක්වූ නමුත්,අප කණ්ඩායමේ සාමාජිකයෙක් විසින් ගෝත්‍රික තරුණියකට යමක් පැවසීමත් සමග ඇති වූයේ ඉතාම බිහිසුණු තත්වයක්.(ඉහත  දැක්වෙන්නේ එම ගෝත්‍රික ස්ත්‍රියයි.)
විෂ පෙවූ ඊතල සහ හෙල්ල වර්ෂාවක් අපේ හිස මතට පතිත වෙන්නට උනා.පණ බේරාගැනීම සඳහා ඔවුන්ට වෙඩි තැබීමට අපිට සිදුවූ බව කණගාටුවෙන් නමුත් පැවසිය යුතුයි.කෙසේ වෙතත් එක හී සැරයක් කණ්ඩායම් සාමාජිකයෙකුගේ ගෙල පසාකරගෙනගොස් තිබුනා ..පහත දැක්වෙන්නේ ඔහු බේරාගැනීමට ගත් උත්සාහයයි .

පර්වතය මුදුනේ තිබුනේ ඉතාම අධික සීතලක්.එමෙ න්ම,මුදුනේ තිබූ ඉතාමත් අඩු ඔක්සිජන් සාන්ද්‍රනයද අපි මුහුණ පෑ තවත් විශාල ගැටළුවක්.සියලුදෙනාම ඉතාමත් කම්පනයට පත් උන සිදුවීමක් වූයේ,මෙයට පෙර මෙම පර්වතය තරණයට පැමිණ ජිවිතයෙන් වන්දි ගෙවූ පුද්ගලයන්ගේ ඇටසැකිලි හමුවීමයි .එම සිදුවීම සියලුදෙනා තුල ඇතිකළේ මහත් භීතියක්.(මේ එවැනි එක් අයෙක්).
කෙසේ වෙතත් සියලු සිද්ධීන් අවසානයේ සියලු දෙනාටම නිරුපද්‍රිතව පර්වතය මුදුනට ලඟාවීමට හැකිවීම සැබවින්ම අප ලද විශාල ජයග්‍රහණයක් ..මිල කල නොහැකි පුරාවිද්‍යාත්මක වටිනාකමකින් යුත් නටබුන් රාශියක් ,ප්‍රාග් බෙහෙත් ඵෛතිහාසික මානවයින් භාවිතා කල උපකරණ රාශියක්,අධික වටිනාකමකින් යුත් ඹෞෂධ පැළෑටි රාශියක්,'බඩ රතු තිත් මුවා'වැනි රතු දත්ත පොතට ඇතුලත් සත්ව විශේෂ රාශියක් සොයාගැනීමට අපට හැකිවුණා .පහත දැක්වෙන්නේ අපි ලබාගත් වටිනා ඡායාරූප කිහිපයක් .

ප්‍රාග් ඵෛතිහාසික ගල් ගුහාවක් 

වළගම්බා රජු විසින් රෝපණය කල සඳුන් ගසක්

ඈතින් මුහුද පෙනෙන අයුරු

අවසාන වශයෙන් මේ ගවේෂණය සාර්ථක කරගැනීමට නන් අයුරින් සහය දුන් සැමටත් ,විශේෂයෙන්ම එවරස්ට් කඳු වැටිය දෙවරක් සහ ,රොකි කඳුවැටිය හත්වරක් තරණය කොට ලබාගත් අත්දැකීම් සමුහය අප සමග බෙදාගත් තරිඳු සොයුරාටත්,චානක ,අමිල ,චාමලී ,චතුරංග,ජයියා,වැටකොළු ඇතුළු අපේ නඩයටත් හෘදයාංගම ස්තුතිය හිමිවේ ...