දෙවියෙක්ද? භුතයෙක්ද? මොකෙක්ද??

                                     හැමදාම අනං මනං විකාර පොස්ට් කර කර ඉඳල හරියන්නේ නෑ  කියල කවුදෝ කිව්වා .එක නිසා ටිකක් වැදගත් වගේ දෙයක් කියන්නයි මම මේ ලෑස්තිවෙන්නේ මේක බොරුවක් නම් නෙවෙයි 100 % ඇත්ත කතාවක්..

                                         ඔයාල ගුප්තදෙවල් ගැන මොකද හිතන්නේ?යන්ත්‍ර මන්ත්‍ර, හදි හූනියම්,දෙවියෝ භූතයෝ, කුම්භාණ්ඩයෝ,සාස්තර..... මේ වගේ දේවල් ගැන...??මට නම් ඉතින් පැහැදිලි අදහසක් නෑ .හරිම පැටලිලි සහගත අදහසක් තමයි තියෙන්නේ (හරියට හොඳට නිදාගෙන ඉන්නකොට කවුරුහරි එකවරම ඇහැරෙව්වහම ඉන්නේ කොහෙද, මොකද වෙන්නේ, මම කවුද,

කියල ඇතිවෙන මඤ්ඤං හැඟීම වගේ )කොහොම උනත්  අර හේ තුවාදියෝ වගේ නැතුව අපිට නොතේරෙන අපි නොදන්න, දැනට දන්න දේවල්වලින් පැහැදිලි කරන්න බැරි ගොඩක් දේවල් මේ ලෝකෙ තියෙන්න පුළුවන් කියල විවෘත මනසකින් ඉන්න ඒක කෝකටත් හොඳයි

                                                                    ඉතින් මම මේ කතාව කියන්න යන්නේ, හිතා  ගන්න බැරි විදිහට සාස්තර කියන කෙනෙක් ගැන.කෑගල්ල පැත්තේ අයනම් සමහරවිට දන්නවත් ඇති .සාමාන්‍යයෙන් සාස්තරයක් අහනවා කියන්නේ අතේ තියෙන සල්ලි ටිකත් නැතිකරගෙන, වෙච්ච දේකුත් ලැබිච්ච දේකුත් නැතුව හිස් අතින් ගෙදර එන සිද්ධියක්නේ .ඒක නිසා අපිටත් මෙයා ගැන ඇහුවට වැඩි  උනන්දුවක් තිබුනේ නෑ කොහොමහරි අපේ ගෙදර කට්ටිය ගිහින් කිව්ව දේවල් අහල මටත් යන්න හිතුනා .මමත් ගියා .

                      එදා කට්ටිය 20ක් විතර හිටියා.ගෙදර ඉස්සරහ තියෙන පොඩි කාමරයක තමයි එයා  හිටියේ .සාමාන්‍ය මැදි වයසේ කෙනෙක්.එයා ඉස්සරහ අපි 'අඳුනක්' කියල කියල කියන එකක් තිබුනා .නිකන් පිරිසියක් වගේ.ඊට පස්සේ තමයි හොඳම හරිය.!!

                                                                    එයා  මගෙන් කිසිම දෙයක් අහන්නේ නැතුව අර පිරිසිය දිහා බලාගෙන,මම ආවේ මොකටද,ඉන්න තැන විස්තර,මීට කලින් ගෙදර කට්ටිය ආපු හැටි,අම්ම තාත්ත ගැන,.....ඔය වගේ සැහෙන්න විස්තරයක් හරියටම කිව්වා. මටනම් කොහොම කිව්වද කියල හිතාගන්නත් බෑ ..ආවේශ වෙලා වගේ හරි, පොල් මලක් අරන් මට ගහ ගහ හරි නෙවෙයි .නිකන් සාමාන්‍ය විදිහට කිව්වේ .අපේ ගෙදර අයටත් මේ වගේම සැහෙන්න හොඳ විස්තරයක් කියල තිබුනා.එයා ඒවා දැනගන්න විදිහක් නම් කොහොමටවත් නෑ .පස්සේ තව අපි අඳුනන කීප දෙනෙක් නැතිවුන බඩු හොයාගන්න එහෙම ගියා. එයාලටත් සැහෙන්න උදව්වක් උනා කියල කිව්වා.මොකද්දෝ පැහැදිලි කරන්න බැරි දෙයක් එතන තියෙනවා කියල අන්තිමට අපිට පිළිගන්න උනා.ඔයාලටත් සමහරවිට මේ වගේ අත්දැකීම් ඇති.

                                                                  ඉතින් මේ ගැන වැඩි  විස්තර හොයල බලන්න හරි එයාගෙන් උදව්වක් ගන්න ඕන හරි කෙනෙක් ඉන්නවනම් මෙතනින් බුකියට ඇවිත් මට පණිවුඩයක් තියන්න ,යන පාර ,දුරකථන අංක,විස්තර  මම එවන්නම්..